Huhuhu...urang yang selalu cari pasal sama sa suda tepindah. Aman suda d sa. Macam kawan sa cakap sa ni aman berganda. Bukan saja urang sengal tu yang tepindah tapi urang banyak cakap pun suda tepindah. Tapi pindah tempat saja ma. Ngah jauh ma dari tempat duduk sa. Ngam suda. Tiada nodi urang yang pagi-pagi lagi becakap suda. Kapanas ginawo. Tapi itu nono bei kayo urang tua kan? kuroyon podi hehehehe.... yang penting aman suda jiwa raga...huhuhu.... Ari ni sa penat butul. bukan panat buat karja tapi panat turun naik turun naik mau antar karja. kalu ada par sendiri kan bagus...heheheee...parasan kunun c ugou...padahal karja yang di ujung-ujung saja.
Kamarin sa suda antar borang tukar pi BKP. Sa mengharap no kopio dapat tapi mesti dapat pindah tu awal taun dapan dara. supaya sanang sikit mau angkat barang kaka. Tapi nda apalah. kalu dapat taun ni pun ambil saja daripada nda dapat turus. agipun sa bosan suda ba buat ni karja. Problem yang datang sama saja. Macam nda ada penambahbaikan kata urang putih. heheheeee..... agipun sa pun malas mo bepikir...mungkin bosan juga...abis nga panat-panat bepikir sakali nga the result is sama saja. Huh!!...biarlah urang atas yang pikir sendiri. Tapi selalunya durang pun malas mo pikir. mo harap urang bawah juga...kalu durang pikir sendiri lain jadinya. Mungkin itu yang durang pikir. Bagus juga la.
Sekarang ni macam-macam kempen berjimat cermat. Kempen Jimat kertas jimat toner jimat elektrik... Sokonglah kempen ini. Manalah tau ada bonus raya nanti.
Tiada ulasan:
Catat Ulasan
ponsikou